Shërbimi sekret shqiptar SHISH, si rrallë herë ka lëshuar një deklaratë për shtyp pas daljes së një shkrese në wikileaks, sipas të cilës një kompani italiane tentoi t’i shesë SHISH programe që përgjojnë jo vetëm telefonat dhe email-at por edhe aplikacionet e tjera si whats-up, viber messenger etj.
SHIISH, në deklaratën e tij theksohet se se kontakte të tilla me kompani që ofrojnë produkte në fushën e sigurisë janë rutinë normale e punës së këtij institucioni,
Deklarata e plotë e firmosur nga drejtori: Visho Ajazi Lika
“Referuar trajtimit nga mediat të çështjes së kontakteve të Shërbimit Informativ Shtetëror me kompani që prodhojnë dhe ofrojnë produkte në fushën e sigurisë, sqarojmë se:
SHISH, si edhe Shërbimet e tjera simotra të sigurisë, si pjesë e Sistemit të Sigurisë Kombëtare, në përmbushje të misionit të tij ligjor, merr pjesë në panaire ndërkombëtare për të qëndruar në kontakt me teknologjitë e mbledhjes së informacionit, përfshirë dhe atyre të komunikimeve elektronike. Në këtë kontekst, kontakti me kompani që prodhojnë produkte për sigurinë është një rutinë normale e SHISH.
Nga ana tjetër, për çdo teknologji të re që mund të përdoret nga SHISH në përmbushje të ligjit, kërkohet dhe merret aprovimi i Prokurorit të Përgjithshëm të RSH.
Falë rigorozitetit dhe përputhshmërisë së veprimtarisë së tij me ligjin si dhe me praktikat e tyre më të mira, SHISH është një partner shumë i besueshëm i Shërbimeve aleate në ushtrimin e aktivitetit të tij.
Në interes të informimit të opinionit publik, Ju garantojmë se, SHISH vepron vetëm në përputhje me ligjin dhe aktet e tjera që rregullojnë veprimtarinë e tij”./tesheshi.com/
