Në portat kufitare Kosovë-Shqipëri, në korrik 2015 janë regjistruar gjithësej 1,023,970 hyrje dalje të personave, 481,933 ose 88.911% më shumë se në korrikun 2014, kur kishe 542037.
Në 2015-ën rritja rekorde e fluksit është edhe më e madhe në krahasim me qershorin. Në korrik kanë hyrë 523,582 ose 104.65% më shumë hyrje dalje të personave.
Ndërsa, numri i automjeteve në hyrje dalje në korrik 2015 ishte 274899, fiks 75622 ose 37.94% më shumë në krahasim me korrikun 2014, kur kishte 199277.
Krahasuar me qershorin 2015, në korrik kishte 30600 ose 18.14% automjete më shumë.
Për personat, gjatë korrikut 2015, në Vërmicë kishte 528590 hyrje e 420685 dalje. Në Qafë Prush 15259 hyrje e 10052 dalje. Në Qafë Morinë 27071 hyrje e 22313 dalje. Në këto tre porta kufitare, gjithësej kishte 570920 hyrje e 453050 dalje të personave.
Ndërsa, për automjetet në korrikun 2015 shifrat janë këto: Në Vërmicë kishte 91783 hyrje e 84357 dalje. Në Qafë Prush 5236 hyrje e 4419 dalje. Në Qafë Morinë 7144 hyrje e 6338 dalje. Gjithësej kishte 104163 hyrje e 95114 dalje të automjeteve.
Për fluksin e hyrjeve e daljeve në tre portat kufitare shifrat i bëri të ditura Major Baki Kelani, shef i Zyrës për Infomim dhe Marrëdhënie me Publikun – Drejtoria e Përgjithëshme e Policisë së Kosovës, në Prishtinë.
Në vendkalimet kufitare Kosovë-Shqipëri, viti 2014 kishte shënuar rritje të fluksit të njerëzve për 19,312 % dhe të automjeteve për 21,883 %, krahasuar me 2013-ën, bënte të ditur në fillim të 2015-ës Policia kosovare.
Në 1 korrik 2015 ka nisur zbatimi i Marrëveshjes së Mirëkuptimit për patrullime të përbashkëta në mes të Policisë së Kosovës dhe Policisë së Shtetit të Shqipërisë. Pas një konference të përbashkët për shtyp në vendkalimin kufitar në Vërmicë-Morinë, ku u theksua rëndësia e bashkëpunimit mes dy agjencive policore në përpjekje për rritjen e elementëve të sigurisë rrugore, nisi turni i parë i zyrtarëve policorë të trafikut nga Kosova për të patrulluar bashkërisht me njësitet e trafikut të Policisë Shqiptare, në Shqipëri.
U bë e ditur se, gjatë sezonit turistik, ka një rritje të ndjeshme të numrit të shtetasëve nga Kosova që shkojnë për pushime në zonat turistike të Shqipërisë, si dhe të mjeteve që qarkullojnë në akset kryesore rrugore që lidhin të dy shtetet, prandaj është parë e nevojshme realizimi i kësaj marrëveshje të përbashkët.
Me synim intensifikimin e mëtejshëm të marrëdhënieve dhe për të forcuar bashkëpunimin midis policive të dy vendeve, nëpërmjet planifikimit dhe zbatimit të masave të përbashkëta si dhe me qëllim ngritjen e sigurisë në trafik për pjesëmarrësit e të dy shteteve janë vlerësuar të nevojshme dhe të suksesshme patrullimet e përbashkëta në Shqipëri.
Patrullimi i përbashkët është siguri e përkujdesje për të gjithë qytetarët në fluksin e rritur në verë në akset rrugore Shqipëri-Kosovë, kanë theksuar policitë e të dy vendeve.
Këtë verë, Instituti Hidrometeorologjik i Kosovës jep parashikimin e motit edhe për bregdetin shqiptar, drejt të cilit është rritur shumë fluksi i kosovarëve në këtë sezon pushimesh.
“Mot i nxehtë dhe me temperatura të larta, do të mbajë për gjatë vijës bregdetare. Temperaturat minimale do të lëvizin ndërmjet 21-26 gradë celsius. Ndërsa, maksimalet e ditës do të lëvizin ndërmjet 36-39 gradë celsius”, është përashikimi për këtë javë.
Përgatiti: B. Jashari-tesheshi.com
