Milani pësoi një humbje të papritur në momentin e tij më të mirë, pikërisht atëherë kur pritej që të ngjitej pëkohësisht në vend të parë në renditjen e kampionatit italian.
Ndaj Xhenovës në transfertë është ndërprerë seria pozitive e një Milani që në fundjavë fitoi edhe ndaj Juventusit.
Humbja ka qenë e thellë, ndërsa Xhenova fitoi 3-0. Në të parin sulm të organizuar për xhenovezët, në minutën e 11-të, realizoi Ninkovic.
Milani e pati të vështirë të krijonte shënimi, dhe gjërat u ndërlikuan akoma më tepër në pjesën e dytë, kur Paletta u ndëshkua me karton të kuq.
Kucka shënoi një autogol në minutën e 80-të, dhe Pavoletti e vulosi fitoren e vendasve gjashtë minuta më vonë.
Milani mund të rrëshqasë në vend të katërt nëse Napoli fiton sonte ndaj Empolit në “San Paolo”.
Juventusi pret mbrëmjen e kësaj të mërkure Sampdorian, e Roma luan në fushën e Sasuolos. /tesheshi.com/
