Një sherr i dhunshëm mes shqiptarëve dhe palestinezëve në burgun famëkeq të Koridhalos në Greqi i ka marrë jetën dy personave dhe ka lënë 21 të tjerë të plagosur.
Ngjarja e rëndë ka ndodhur mbrëmjen e ditës së djeshme (e diel, 3 maj 2015), rreth orës 20:00.
Mediat vendase bëjnë me dije se një grup të dënuarish shqiptarë dhe arabë kanë sulmuar disa të burgosur nga Pakistani me mjete të forta, si thika artizanale, leva, hekura etj.
Zyrtarisht mësohet se dy personat që humbën jetën janë të burgosur nga Pakistani, ndërsa ende nuk dihet identiteti i tyre. nga të plagosurit, dyshohet se dy prej tyre janë në gjendje kritike për jetën.
Ata janë transportuar me 10 ambulanca nga spitali i burgut drejt spitaleve Gjenimatas dhe Tzanios, në kryeqytetin grek.
Incidentet e dhunshme kanë nisur ndërsa të burgosurit po futeshin në qelitë e tyre. arsyet e konfliktit me pasoja madhore ende nuk dihen dhe pritet që të zbardhen nga ana e policisë greke.
Aktualisht, situata në burgun ku vuajnë dënimet mbi 500 persona kryesisht për trafikim droge është e qetë./tesheshi.com/
