Është inauguruar këtë të enjte areoporti i ri i Vlorës, me uljen e parë të një avioni për testim, ndodhur kjo nën një sfond të qartë politik, në fundin e fushatës elektorale për zgjedhjet e së dielës, ku PS del sërish fituese në bazë të sondazheve. Pra, Rama bëhet gati të vijojë qeverisjen në mandatin e katërt.
“E ardhmja është shumë premtuese për Vlorën”, tha ai, duke iu referuar areoportit të ri.
Por kështu do thoshte dhe para katër vite në inaugurimin e areoportit të Kukësit, i munguar tërësisht në gjuhën e tij elektorale këtë fushatë, pasi aty kanë një heshtje nga uturima e pretenduar e avionëve.
Por Rama u detyrua të sqarojë se ç’ndodh me këtë areoport në veri.
“Është e vërtetë që aeroporti i Kukësit ka pasur një sfidë më vete për operatorët përkatës. Nuk është një aeroport i thjeshtë se ka një problematikë me pistën e uljes dhe nga ana tjetër për operatorët në aeroport duhet të krijosh besimin e duhur. Operatori që operon aeroportin ka bërë përpjekje për kontrata, mirëpo nuk e ka gjetur dot në kohë një akullthyes që do dëshmojë se ai aeroport ja vlen”, tha Rama, por duke shtuar se së shpejti do ketë fluturime dhe Kukës.
“Jemi në bisedime për të shtuar disa linja shumë prestigjoze si Qatar Airëays.
Raynair i jemi qepur me bukë në trastë se nuk bindej, sot është i lumtur me Shqipërinë. Një kompanie e re shqiptare që do të nisë së shpejti për të mos i ndalur më fluturimet në aeroportin e Kukësit, Air Kosova”.
Por ç’bëhet me Air Albania-n?
Edhe për këtë, Rama e kishte një përgjigje.
“Air Albania pati një fazë të vështirë tranzicioni, tanimë ka hyrë në një rrugë të re. Së shpejti do të vijnë edhe dy avionë të tjerë dhe numri do të shkojë në pesë. Do të kemi shtatë avionë dhe po ashtu Air Albania po punon për krijimin e një flote të dedikuar të avionëve të biznesit, një vlerë e shtuar”. /tesheshi.com/
