Shefja e EULEX-it, Alexandra Papadopoulou, e ka pranuar se misioni që drejton ka dështuar t’i menaxhojë pritshmëritë e qytetarëve.
Ajo thotë se do të duhej të ishin më të qartë rreth asaj se çka mund të arrijë misioni dhe asaj që kanë arritur. Por, sipas Papadopoulout, kjo nuk do të thotë se kanë dështuar në punën e tyre.
“Fakti se ne jemi ballafaquar me problemet është dëshmi se nuk kemi dështuar”, ka deklaruar Papadopolou për “Koha Ditore”, por premton se do të ndëshkohen të gjithë ata që kanë devijuar nga rregullat e misionit.
Ky qëndrim i saj vjen në një kohë që Misioni i Drejtësisë Europiane në Kosovë, po përballet më kritika të ashpra nga opinion vendas. Kjo për faktin se dhe brenda radhëve të saj janë shfaqur së fundi probleme, me dorëheqjen e një gjyqtari, i cili nga ana e tij ka akuzuar kolegët për abuzivitet në gjykime. /tesheshi.com/
