Inxhinere Luljeta Bozo është e përzgjedhura e radhës e Ramës ndër personalitete krizash, e cila ftohet të jetë në listat e PS për zgjedhjet e 25 prillit. Një ditë pasi e njëjta gjë iu ofruar Dr. Najada Çomos nga fronti COVID, e cila e pranoi propozimin e shefit të qeverisë, edhe Ing. Bozo ka bërë të njëjtën gjë, ardhur nga fronti i Rindërtimit pas tërmetit.
Më lejoni që të ftojë dikë që me sigurisht që do ta njihni. E keni njohur në një momentet vështirë, kur ra tërmeti. Kur shpërndaheshin lajme të rreme për tërmetin që do të binte në orën filan e filan, nga ata të cilët shpifnin.
Qytetarët kishin nevojë për zërin e dikujt që ju lehtësonte dhe ju qetësonte nga maja e një jete të gjatë profesionale. E një integritet të pacenueshëm moral në profesion. Një eksperiencë e gjatë si nënë dhe si gjyshe.
Dua që Luljeta Bozo të jetë këtu me mua. Që Luljeta Bozo të mund të përcjellë idenë se ne kemi bërë shumë, por jo aq sa është mjaftueshëm për të thënë; oh sa mirë. Kjo vjen dhe për PS”, theksoi Rama, sipas së cilit, znj. Bozo qe njeriu i duhur, për gjënë e duhur, në kohën e duhur.
Duke i kushtuar procesit të Rindërtimit, Rama tha se nuk gjasë që në nëj situatë si ajo që u gjend ai e qeveria e tij, për mënyën si u reagua, e njëjta gjë të ndodhte me kundërshtarët.
“Kur njerëzit ishin në rrugë dhe ne ishim ditë natë me ta për të bërë sistemimin e parë, a ka njeri që mendon që nëse ajo fatkeqësi bie në tre të natës mund ta gjejë apo ta zgjojë Lulzim Bashën?
A ka njeri që mendon se Basha ka fuqi që të lërë gjumin dhe të shfaqet jo vetëm për të dalë në TV por për të qenë aty deri kur familja e fundit të strehohet?
A ka njeri që ku proces mund të shkojë përpara dhe të ketë sukses nëse në 25 prill, filli i këtij procesi këputet, dhe nëse fatet e vendit bien në duart e atyre që janë të njohur për shkatërrimet që kanë bërë?
Çfarë garancie kanë dhënë, për t’iu besuar ecurinë deri në fund të këtij procesi transformimi, ku ne po dalim më të fort, ku çdo familje e goditur po del më e fortë, është e pamundur”, tha Rama. /tesheshi.com/
