Qeveria hungareze mban në fuqi ndalimin e emigrantëve që ndodhen në stacionin e trenit Keleti në Budapest, për të udhëtuar më tej drejt Gjermanisë.
Mbi 2 mijë emigrantë, edhe pse kanë blerë biletat për udhëtimin e tyre, janë detyruar të ngrenë çadra duke kaluar të dytën ditë rresht në kushte të një hapësire të mbingarkuar dhe nën tension.
Protesta që nisi dje me thirrjen “Gjermani, Gjermani”, është përshkallëzuar kur qindra refugjatë kërkuan lirinë duke valëvitur biletat e udhëtimit.
Mediat raportuan edhe për përplasje me policinë, por pa pasoja të rënda. Tension e përleshje ka pasur edhe në në stacion tjetër në kryeqytetin hungarez. /tesheshi.com/
