Deputeti me prirje ekzibicionste në stilin politik, Dashnor Sula, u shfaq kësaj here duke derdhur qumështin te dera e parlamentit. Aktin në fjalë, ku ushqimi derdhet në formë proteste, ai e shpjegoi si reagim ndaj faktit se prodhuesi shqiptar nuk po gjen dot treg në vendin e tij, pasi shteti nuk po e përkrah.
Ky deputet opozitar peqinas, edhe herë të tjera është shfaqur çuditshëm para godinës së parlamentit, duke tërhequr vëmendjen e medias me pamjen e tij të sajuar sipas fabulës politike përkatëse. Dikur, në kohën e Berishës, ishte një deputet krejt normal. Edhe pse dhe atëherë ishin po të njëjtat probleme që ka dhe sot Shqipëria, Sula nuk kishte të tilla reagime me stil politik allasoj. /tesheshi.com/
