Samsung po përgatitetet të nxjerrë në treg një seri të re smartfonësh dhe këtë herë i takon shkronjës C të alfabetit: shumë shpejt do të mund të asistojmë në lançimin e telefonave të serive C. Kjo është ajo që duket nga dokumentet e transmetuara në sajtin Zauba, në të cilin regjistrohen pajisjet e importuara në Indi për tu testuar.
I importuar në Indi më datë 21 mars të këtij viti, smartfoni me numër modeli SM-C5000 ka një ekran 5.2 polësh. Ndërkaq, modeli SM-C5000, emri i së cilit me shumë mundësi do të jetë Galaxy C5 nuk do të jetë i vetëm. Burimet thonë se Samsung është duke punuar për një telefon me numër modeli SM-C7000, emri i së cilit me shumë mundësi do të jetë Galaxy C7. Kjo gjë na bën të mendojmë se do të jenë dy smartfonë që do të paraqiten për serinë e re C.
Nga informacionet që dimë deri më tani, nuk mund të themi me siguri nëse seria C e smartfonit Samsung do të ketë të njëjtat çmime ekonomike apo cilësi mediale sikurse edhe homologët e tij. Deri më tani Samsung ka seritë S-A-J-E-Z, me rend sipas çmimeve respektive, nga seria S, me fashë më të lartë e deri tek seria Z me fashë më inferiore.
Duke qëndruar në supozimet e Sammobile, seria C e smartfonëve të rinj Samsung mendohet të jetë e destinuar kryesisht për tregun kinez, por do të jetë e disponueshme edhe në shtetet e tjera. /tesheshi.com/
