Arabia Saudite aplikon një shtresë të veçantë për uljen e nxehtësisë në sipërfaqet e asfaltit në Mina, Arafat, Muzdelife për të ndihmuar në mbrojtjen e pelegrinëve nga temperaturat ekstreme.
Kjo shtresë inovative mund të ulë temperaturat e rrugëve deri në 30°C – gjë që është thelbësore pasi sipërfaqet në Mekë mund të arrijnë deri në 70°C.
Shtresa është projektuar për të liruar nxehtësinë e thithur gjatë natës.
Kjo shtresë bllokuese e nxehtësisë në disa rrugë dhe shtigje këmbësorësh në vendet e shenjta ka pasur një efekt qetësues tek pelegrinët gjatë kohës së nxehtësisë ekstreme.
Këto shtigje ofrojnë njëfarë pushimi për pelegrinët ndërsa ecin drejt kampeve të tyre në qytetin e tendave të Mina në ditën e parë të pelegrinazhit vjetor, i cili përkon me sezonin ekstrem të verës.
Teknologjia e veshjes synon t’u ofrojë pelegrinëve rehati të plotë duke rritur nivelin e ftohjes së klimës përreth tyre.
Veshja e bardhë kontribuon në uljen e temperaturave të sipërfaqes me rreth 30 gradë Celsius, duke përdorur disa materiale të prodhuara në vend që kanë aftësinë të thithin një sasi të caktuar të rrezatimit diellor.
“Zbatimi i teknologjisë për të ulur temperaturën e sipërfaqeve të asfaltit duke reflektuar rrezet e diellit po kryhet në partneritet me një numër agjencish për t’u shërbyer pelegrinëve, me qëllim që të kontribuojë në uljen e temperaturave në shtigjet këmbësore në vendet e shenjta”, tha Abdulaziz Al-Otaibi, përfaqësues për median i Drejtorisë së Përgjithshme të Rrugëve. /tesheshi.com/
