Nga Blendi Gashi
Skulptorja Rrezelinda Begaj, e cila para pak kohësh hapi ekspozitën e saj të pare, për portalin ‘Te Sheshi’, ka treguar në detaje sa kohë i është dashur të punojë për këtë ekspozitë, për emocionet dhe momentin e prezantimit para të ftuarve të 16 skulpturave, pra se si do ta prisnin njerëzit punimet e saj.
Ishte ekspozita e parë e hapur nga kjo studente e dalluar, dhe padyshim për të do të mbetet në kujtesë të gjatë. Thotë se është tejet vështirë të ushtrohet profesioni që ka zgjedhur, por me ndihmën e familjes ka arritur deri te suksesi.
Rrezelinda ka përfunduar studimet Bachelor në vitin 2014 në Fakultetin e Arteve në Universitetin e Prishtinës në degën Skulpturë, ku është çertifikuar me mirënjohje për arritje në degën e skulpturës. Tani është në përfundim të studimeve master. Rrezelinda gjatë studimeve kam qenë pjesë e shumë ekspozitave kolektive në qytetë të ndryshme të Kosovës dhe jashtë saj përkatësisht në Tiranë.
“Kjo është ekspozita ime e parë personale, me punimet e mija skurturale dhe natyrisht që ishte një emocion i jashtëzakonshëm me i shfaq punimet e mija të cilat i kam punuar më shumë përkushtim dhe dashuri të madhe gjatë studimeve ‘bachelor’. Në ekspozitën time ishin gjithsejt 16 skulptura që i përkasin stilit real. Njëra prej të cilave është me përmasa të mëdha, 2.60m e cila qëndron para Qendrës të Kulturës në Fushë Kosovë. Pasiqë, edhe vet ekspozita është mbështetur nga Kultura e Rinisë dhe Sportit përkatësisht nga drejtoresha Nurie Avdiu e cila bëri hapjen e ekspozites time. Në ekspozitë morën pjesë njerëz të ndryshëm të fushave të ndryshme dhe natyrisht prezenca e tyre i dha madhështi dhe më shumë kësaj ngjarje. I pranishëm ndër të tjerë ishte edhe Marjan Nikolla nga Infinity Art i cili i takon fushës ë artit, i cili më ka përkrahur në artin tim”.
“Unë kam punuar në këto skulptura gjatë studimeve me shumë mund dhe përkushtim. Dëshira e secilit skulptore është që ato t’i paraqes në ekspozitë personale, ta tregoj punën tek të tjeret. Dhe kur mua kjo gjë mu realizua ishte një ndjenjë që me fjalë është vështirë ta përshkruash. Prej orës 13:00 ekspozita u hap dhe aty kishte njerëz të profesioneve dhe moshave të ndryshme duke filluar nga fëmiju i moshës 2 vjeçare dhe deri tek mosha 70 vjeçare (babai im). Unë kisha emocione për mënyrën se si do të shkonte ekspozita, se si njerëzit do t’i prisnin punimet e mija dhe me padurim prisja t’ua shpjegoja në detaje secilën skulpturë në mënyrë që ata të shihnin përtej skulpturës, përtej figurës që kishin pëpara”.
Rrezelinda, një skulptore e re që premton shumë thotë se është tejet e kënaqur me mënyrën se si ka shkuar ekspozita e parë dhe tregon se ka marrë shumë lëvdata nga të ftuarit.
“Lavdata kam marr shumë. Çdo lavdatë më jep vullnet dhe dëshirë për të punuar dhe me shumë. Kur puna vlerësohet atëherë edhe dëshira për të punuar rritet. Falenderimi më i madh i takon familjes time që më ka përkrahur dhe motivuar gjithmonë sepese me pas një vajzë ambicioze sikur unë është shumë vështirë për t’u marr me këtë art të vështirë pasi që ka shumë procese gjatë punës artistike deri te përfundimi i saj”.
Sipas Rrezelindës të jesh skulptore do të thotë që të kesh talent dhe përkushtim në këtë art 3dimensional, art i cili të jep ndjenja të përziera, të bukura dhe gjithashtu vështirësi që të jep gjatë procesit të punës pasi që kalohet nëpër disa faza, derisa të realizimi final. Ajo, thotë se sidomos të jesh femër has edhe në vështirësi fizike sepse nevoitet fuqi për të krijuar një formë të caktuar që e ke në mendje për ta bërë.
“Gjatë punës time në skulpturën gjigante prej 2.60m ka pasur mjaft vështirësi në aspektin fizik, por megjithatë siç thotë profesori im Fatmir,nuk ka rëndësi fuqia fizike por ajo mendore dhe ky proces mund të jetë më i lehtë nëse e përdor mendjen më shumë se fuqinë fizike”.
Skulptorja e re kosovare thotë se ndër pak skulptorë që janë në Kosovë, ajo vazhdon t’i mbetet besnike stilit të realizimit, stil sipas saj nuk mund të bëhet nga çdo skulptor sepse nevoitet aftësi e veçant dhe punë e përkushtueshme. /tesheshi.com/
