Lëvizja Socialiste për Integrim po lufton fort për vendin e dytë në renditjen e votës popullore që është dhënë për partitë, në kuadër të votimit për këshillat bashkiake.
Ka disa bashki ku LSI renditet e para, disa të tilla e dyta, por në rang kombëtar ndodhet në vendin e tretë me një numër dyshifror siç edhe ka qenë synimi i shpallur para zgjedhjeve nga Ilir Meta. Ndërkaq, diferenca mes PS-së dhe PD-së është shumë e madhe, kurse PD-ja dhe LSI-ja kanë një hendek fare të vogël, kur janë numëruar vetëm 60% e kutive të votimit, ose 3.183 nga 5.301 gjithsej.
PDIU përvijohet fort si forcë e katërt politike në rang kombëtar duke marrë vota kudo, madje edhe atje ku nuk ka popullsi me origjinë nga krahina e Çamërisë, të cilën kjo forcë politike e përfaqëson. PR mban vendin e pestë me nivele konstante që shkon tek 3% në rang kombëtar. E gjashta renditet FRD e Bamir Topit me një ulje të lehtë nga viti 2013 por gjithsesi i ka kaluar 15 mijë votat.
Në rang kombëtar, votat e proporcionalit për këshillat bashkiakë janë numëruar në 60% e kutive të votimit, ose 3.183 nga 5.301 gjithsej.
Sipas rezultateve zyrtare të Komisionit Qendror të Zgjedhjeve, kemi një diferencë të madhe mes Partisë Socialiste dhe Partisë Demokratike, ndërkohë që LSI-ja është shumë pranë Partisë Demokratike.
Ja renditja deri në këto momente:
PS 245.788- 26,84%
PD 170.640-18,64%
LSI 147.970-16,16%
PDIU 36.233-3,96%
PR 16. 29.313-3,20%
FRD 17.433-1,90%
/tesheshi.com/
