Postimet e solidaritetit me palestinezët në mediat sociale dhe bojkotet e produkteve kanë ulur ndjeshëm shitjet e disa markave perëndimore në Lindjen e Mesme dhe Azi për shkak të mbështetjes së tyre për Izraelin.
Starbucks me bazë në Seattle, një nga objektivat më të mëdhenj të bojkotit, ra 8.96 për qind në periudhën 19-ditore në nëntor 2023, që përfaqëson një humbje prej 11 miliardë dollarësh. Ajo shënoi rënien më të gjatë në historinë e kompanisë.
Megjithatë, Starbucks nuk është e vetmja markë globale e prekur.
Starbucks gjithashtu uli objektivat e rritjes së shitjeve për vitin 2024, ndërsa pronari i ekskluzivitetit në Lindjen e Mesme, AlShaya Group, planifikon të pushojë nga puna më shumë se 2000 njerëz për shkak të problemeve të shkaktuara nga bojkoti.
Rritja e shitjeve të McDonald’s ishte vetëm 0.7 përqind – shumë më poshtë pritjeve të tregut prej 5.5 përqind – në tregjet kryesore si Lindja e Mesme, Kina dhe India gjatë periudhës tetor-dhjetor 2023.
Aksionet e Coca-Cola ranë 7 për qind në vitin 2023 gjatë tremujorit të katërt. Gjigandi i pijeve tha se tensionet gjeopolitike në Lindjen e Mesme kishin çuar në “disa ndryshime në sjelljen e konsumatorëve”.
Oferta e produkteve të Nestle u ndikua pjesërisht në disa tregje në tremujorin e katërt të vitit të kaluar dhe drejtori financiar i kompanisë Francois Roger tha në shkurt se kjo ishte pasojë e “konfliktit në Lindjen e Mesme”, shkruan TRT Balkan.
Ju kujtojmë se pasi Izraeli filloi të sulmonte intensivisht Gazën duke vrarë civilë çdo ditë, qindra mijëra njerëz filluan të bojkotojnë produktet e kompanive që financojnë Izraelin. /tesheshi.com/
