Në Kubë kanë hyrë në fuqi rregulla të reja që kufizojnë përdorimin e parave të gatshme dhe inkurajojnë pagesat elektronike.
Disa nga ndryshimet përfshijnë ndalimin e kompanive që përdorin ATM-të dhe një kufi prej 1500 pesos kubane (57 euro) në pagesa me para në dorë në marrëdhëniet kontraktuale, raporton ANSA.
Sipas raportimeve, një nga arsyet e kësaj mase janë “kostot e larta që lidhen me emetimin, transportin, përpunimin dhe ruajtjen e cash-it, si dhe kërkesa në rritje për numrin e ATM-ve për tërheqjen e parave”, thonë autoritetet.
Kostot e larta
Pak ditë më parë, korporata Cimek S.A. njoftoi se nga data 1 shtator deri më 31 tetor do të nisë gradualisht eliminimi i cash-it si mjet pagese në pikat e karburantit në të gjithë vendin.
Në një njoftim zyrtar, Cimek ka sqaruar se për këtë janë përdorur mjete të ndryshme të pagesës elektronike për blerjen e karburanteve.
Midis këtyre mjeteve janë kartat me çip për sektorët qeveritarë dhe joqeveritare, karta me një shirit magnetik (kombëtar dhe ndërkombëtar), karta me parapagesë një herë, karta me gjashtë prerje, gjilpëra elektronike dhe karta me çipa të rikarikueshme, njoftoi Agjencia Kubane e Lajmeve. /tesheshi.com/
