Ky është George Chrissidis, pronari i një restoranti në Berlin, që shërben një meny të veçantë. Menyja është frymëzuar nga kriza greke dhe përfshin disa lloje pjatash, me emra gjithashtu të veçante.
Zotëruesi i restorantit që ka emigruar në Gjermani që në vitin 1984, shpreson të tërheqë klientë falë fantazisë së tij. Pjesë e menysë janë pjatat me emrat e qeveritarëve vendas, nga kryeministri Cipras, ish-ministri i Financave Varoufakis, e deri tek figurat qendrore politike gjermane.
Menyja quhet Drama Greko-Europiane dhe pjatat kane emra si “Grexit Schaeuble”, frymëzuar nga Ministri i Financave te Gjermanisë, një gatim me mish qengji, djathë dhe perime.
Pjata “Varufakis”, është me mish viçi, djathë të bardhë dhe piper të kuq djegës për t’ia përshtatur temperamentit të tij. “Tsipras i Dashur”, ka në recetë një djathë as të butë, as të fortë që reflekton natyrën e pavendosur të kryeministrit grek.
Nuk mungon as ëmbëlsira me emrin e kancerales gjermane Merkel. Ajo quhet “Angie e ëmbël”, me arra dhe akullore me vanilje. Dhe për të larguar çdo shqetësim, rekomandohet një vodka me limon me emrin Grexit.
Chrissidis tha se fillimisht kishte dyshime për idenë, duke menduar se njerëzit do të reagonin negativisht, por ata kanë qeshur dhe besojnë se kjo është interesante. Menyja u është shërbyer klientëve deri në mesin e muajit gusht./tesheshi.com/
