Netë me radhë, kanë fjetur në qiell të hapur, brenda rrethimit apo jashtë tij në stacionin e trenave në Tovarnik, në Kroaci duke pritur për mjetet që do i transportojnë në kufirin me Hungarinë ose Slloveninë.
Kjo është situate me qindra njerëz të bllokuar në udhëtimin e tyre drejt veriut të Europës, ndërsa refugjatë të tjerë mbërrijnë përditë nga Greqia dhe Maqedonia.
Temperaturat po bien, duke e bërë udhëtimin akoma edhe më të vështirë, sidomos për ata që udhëtojnë me fëmijë.
Kampi në Opatovac mban 4 mijë persona, e është ngritur si një pikë pritjeje, por tashmë refugjatët e shohin atë si një burg, një pengesë drejt destinacionit të dëshiruar, Gjermanisë.
Kroacia është e tejmbushur nga fluksi i refugjatëve që kalojnë kufirin nga Serbia.
Mbi 2 mijë refugjatë kalojnë kufirin përditë e Kroacia është shndërruar në pikën kryesore hyrëse për në Bashkimin Europian.
Me hyrjen e vjeshtës, ka shqetësime sesi do të menaxhohet fluksi i refugjatëve, për më tepër në rast të bllokimit të fluksit në kufirin me Slloveninë apo Hungarinë.
Fotografitë tregojnë kalimin e refugjatëve nëpër fusha, rrugë e pa rrugë dhe sesi e kalojnë natën në qiell të hapur, disa edhe pranëve varrezave.
Qindra refugjatë janë të bllokuar në “tokën e askujt”, një rrugë 800 metra midis dy pikëkalimeve kufitare. Ata presin të kalojnë në kaëin e Opatovacit.
Lodhja dhe mundimi po shtohen mes refugjatëve. Ka nga ata që po dorëzohen e po kërkojnë azil në Kroaci.
“Jemi shumë të lodhur”, thonë shumë prej tyre. /tesheshi.com/
