Ish-kreu demokrat Berisha, aspirant për ta marrë sërish drejtimin e kësaj force, pse jo, edhe të qeverisë sërish, shpalli se ambasadorja Yuri Kim do ndalohet të hyjë në zyrën e tij.
“Do ta pranoj në seli nëse i kërkon falje demokratëve”, tha Berisha në “Foltoren” e radhës, zhvilluar me Lidhjen Demokratike të Gruas, në prani dhe të bashkëshortes së tij Liri Berisha.
“E nderuar zonjë, dera e Sali Berishës do të jetë gjithmonë e hapur për ambasadorin apo ambasadoren e SHBA, me të vetmin kusht, në rast se ajo do të quhet Yuri Kim, në çfarë do funksioni të jetë, nuk do të shkelë dot kurrë në zyrën time pa ju kërkuar ju të falur për barin që ju përmendi. Nuk jemi ne gratë e burrat e barit. Të garantoj se në zyrën time s’do shkelësh kurrë, pa i kërkuar të falur shqiptarëve”.
Ndërkaq, referuar Bashës, ai tha se ai, pra Basha, i paska thënë ambasadores “të dalim nga zyra se kemi regjistrues nga Berisha”, se më ka futur Berisha regjistrues dhe të bisedojmë jashtë.
“A mund ta imagjinoni ju një gjë të tillë?”, u shpreh Berisha. /tesheshi.com/
