Ministri i Jashtëm në detyrë Gent Cakaj komentoi raportin e fundit të DASH ku Shqipëria cilësohej si një vend origjine dhe transiti në rritje për drogën dhe me zyrtarë të korruptuar.
“Nuk është e fshehtë kozmike që jemi një vend origjine për kanabisin. Korrupsioni në vendin tonë është fakt i pamohueshëm, dhe i takon kësaj qeverie të marrë përgjegjësitë”, tha Cakaj.
E megjithatë sipas tij, asgjë nuk ka për skandal, pasi në gjykimin e tij Shqipëria e tillë ka qenë, madje dhe më keq.
“Ky raport nuk duhet të bëjë një arsye për skandalizim. Shqipëria e sotme nuk është ajo e 2013”, u shpreh Calakj.
Më tej, ministri tha se “ky raport nuk është arsye për bllokimin e negociatave. Vendimi do të merret bazuar mbi progres raportin e Komisionit Evropian”. /tesheshi.com/
