Nga Durrësi, Rama potencoi faktin se në këtë qytet, Emiratet kanë vendosur të investojnë fuqishëm, e kësisoj do lenë gjurmët e tyre.
“Porti i Durrësit është problem për qytetin Investitorët thonë do të jetë porti më i madh i Mesdheut, unë them një nga më të mëdhenjtë. Do të bëhet nga investitorë që kanë bërë nga investimet më fantastike të kësaj bote, si porti i Dubait. Kjo është e ardhmja” tha Rama.
Nga Durrësi, në ditën e dytë të fushatës, Rama i mëshoi fort si argument vonesës njëorëshe të rivalit Basha një ditë më parë në hapje të fushatës.
“Çfarë mund të presin shqiptarët Dikush që lë një orë në mes të të ftohtit njerëzit që fton vetë për të bërë takimin hapës të fushatës së vetë elektorale. Vonohet 1 orë në takimin më të rëndësishëm të një fushate elektorale”, tha Rama.
Ai ofroi si argument për vete dhe forcën që përfaqëson dy krizat, menaxhimin e tyre,
“Ne sjemi më të mirët, kemi bërë gabime, por besoj që nuk them ndonjë gjë që tingëllon si mungesë modestie kur them se pa ne as rindërtimi s’do kishte ndodhur kështu siç po ndodh, as lufta me pandeminë, as vaksinimi i shqiptarëve s’do ishte çështje orësh që të fillonte”, theksoi Rama.
Për të, ka shumë arsye pse PS-ja synon një mandat të tretë.
“Thelbi i mandatit të tretë është që të kryejmë punët e nisura; të mos mbyllim përsëri derën që mezi kemi hapur për investimet që janënë rrugën e çeljes së tyre si embrione që do të bëjnë të mundur që Shqipëria e vitit 2030 të jetë një Shqipëri tjetër që e ka rifituar kohën e humbur për kaq e kaq vite përpara se ne të merrnim detyrën.
Mandati i tretë vjen pas një mandati të thyer në mes, më i jashtëzakonshmi në historinë e re të Shqipërisë dhe do të mbetet i jashtëzakonshëm për shumë vite të tjera. Uroj të mos ketë mandate të tjera të goditura në mes. Kemi domosdoshmëri të mbarojmë punë me armikun e padukshëm”, theksoi i pari i qeverisë. /tesheshi.com/
