Kryeministri Edi Rama, në një diskutim me gazetarët pas samitit për “Open Ballkan” në Beograd, u pyet nëse do të insistojë të bindë Kosovën që të bëhet pjesë e kësaj nisme.
Ao ironizoi se nuk ka degë të PS-së në Kosovë, duke thumbuar kështu dhe kryeministrin Albin Kurti për qendrën e Vetëvendosjes në Shqipëri.
“Ne kemi me Kosovën me marrëdhënie speciale, kjo s’ka nevojë për diskutim. Do të bëjmë çmos që marrëdhënie me Kosovën ta kemi sa më cilësore.
Por përsëri po i kthehem tjetër është një marrëdhënie bilaterale mes dy ekonomive të vogla. Është komplet gjë tjetër në aspektin ekonomik.
Sa i përket bindjes nuk bëj asnjë përpjekje për t’u imponuar.
Është vendim sovran i atyre që kanë marrë votën dhe kanë mandatin për të vendosur në Kosovë. Nuk është përgjegjësia ime, dhe ju e dini që skam degë të PS në Kosovë,” deklaroi kryeministri. /tesheshi.com/
