Kreu i Transporteve, Damian Gjiknuri, e ka premtuar sërish areportin e Sarandës, që në vizionin e qeverisë Rama do jetë turistik, për t’iu përgjigjur fluksit gjithnjë në rritje të turistëve në këtë zonë.
“Do të jetë kështu një impuls jashtëzakonisht i madh për gjithë aktivitetin turistik të Sarandës. Brenda pranverës do të përfundojmë studimin e fizibilitetit për aeroportin e Sarandës, një aeroport turistik që unë kam bindjen se do të jetë një nyje e rëndësishme që nuk do ti shërbejë vetëm Sarandës por edhe Korfuzit pasi aty janë konsumuar të gjitha mundësitë për fluturim”, tha ministri Gjiknuri.
Por para se të flitet për areoport, Saranda dhe këtë vit do jetë një “rrugë e mundimshme”, pasi aksi i Kardhiqit, ai që eliminon të sikletshmen Qafë e Muzinës, e që do e afronte Tiranën me Sarandën dhe me afro 30 minuta, mbetet ende vetëm premtim, siç dhe së fundi nga goja e Gjiknurit, i cili tha se punimet do nisin pikërisht këtë vit.
Ministri i Ramës gjithashtu premtoi se rruga hyresë në qytet, që tashmë prej muajsh është kantier, do përfundojë para sezonit turistik. /tesheshi.com/
