Me më shumë se 1.3 milionë ndjekës në Instagram, qeni i racës chihuahua, i quajtur Tuna, është shndërruar në një yll të vërtetë në rrjetet sociale. Sapo fotot e tij të para janë shpërndarë në internet, ashtu si edhe shumë persona të tjerë VIP, të cilët ndeshen me komentet negative të publikut, edhe qenit i është dashur të haset me situata të tilla. Ai është etiketuar si “Qeni më i shëmtuar në botë”.
Pronarja e tij është amerikane. Quhet Courtney Dasher dhe nuk e pranon aspak këtë cilësim që i është bërë qenit. Në një intervistë për Mirror, pronarja thotë: “Tuna është qeni më i bukur në botë dhe unë ia them këtë çdo ditë”.
Courtney i vesh qenit rroba qesharake dhe fotografitë e tij ajo i shpërndan në rrjetet sociale, duke bërë që të gjithë fansat e tij të çmenden. Tuna ka ndër fansat e saj edhe VIP-a të njohur si Ariana Grande e Hilary Duff, siç ka edhe shumë persona që i komentojnë në mënyrë negative.
Shpesh gjejmë edhe komente të tmerrshme. Ka nga ata që më thonë se duhet ta hedh në mbeturina qenin, por Tuna më fal shumë gëzim dhe lumturi. E kam gjetur në vitin 2010, ndërsa ishte braktisur kur ishte 4 muajshe”,- tregon Courtney. /tesheshi.com/
