Kohët e fundit ka pasur raste të rënda mashtrimi në Commerz Bank gjermane. Ndaj, kushdo që ka tërhequr para nga ATM-të e kësaj banke duhet të kontrollojë llogarinë e tij.
Disa klientë janë kredituar me shuma deri në dy ose tre herë. Banka fajëson ofruesin e shërbimit për problemet teknike, ndonëse nuk dihet nëse janë vetëm një apo disa.
Commerz Bank ka konfirmuar probleme me ATM-të e saj. Thuhet se janë prekur klientët e bankave të palëve të treta që kanë tërhequr para nga bankomatet e tyre.
Një zëdhënëse e Commerz Bank konfirmoi problematikat:
“Gjatë fundjavës, për shkak të një gabimi teknik nga ofruesi i shërbimit, ka pasur disa debitime të pasakta në tërheqje cash nga klientët e bankave të palëve të treta në ATM-të tona”.
Të prekurit raportojnë se, pas tërheqjes së parave nga një ATM e Commerz Bank, llogaritë e tyre janë debituar për dy ose trefishin e shumës. Sipas zëdhënëses, klientët e Commerz Bank nuk preken nga ky problem.
Banka dëshiron të korrigjojë debitimet e pasakta dhe kërkon falje për shqetësimin e shkaktuar. Commerz Bank nuk shpjegoi se sa klientë u prekën nga debitimi i gabuar dhe sa shpejt u korrigjuan gabimet në llogari. /tesheshi.com/
