Vrasja e oficerit të RENEA-s Ibrahim Basha është filmuar nga një kamerë sigurie pranë vendit të ngjarjes.
Burime policore i kanë thënë tesheshi.com se një video e gjetur nga policia në fshatin e Lazarat ka arritur të kapë 6 persona duke gjuajtur në drejtim të furgonit të forcave speciale, ndërmjet të cilëve edhe dy vëllezërit Albion dhe Alban Aliko.
Ndërkaq, kyçi apo prova bazë janë armët e krimit me të cilët do të vëtetohet plotësisht krimi. Siç mësohet vëllezërit Aliko nuk janë marrë ende në pyetje nga prokurori, vetëm se janë bërë veprimet proceduriale të ndalimit nga oficerët e policisë kriminale.
Gjashtë personat pjesëmarrës në vrasje ndodhen të arrestuar dhe do të akuzohen për vrasjen e oficerit të RENEA-s. Personi i mbetur në kërkim është vetëm një bashkëpunëtor dhe, megjithatë, një pjesë e efektivëve të RENEA-s do të vazhdojë të jetë në Lazarat, deri në kapjen e tij, pavarësisht se nuk luajtur rol në vrasje.
Ka të dhëna, që dy vëllezërit i kanë treguar vendet se ku janë armët e krimit, ndaj RENEA po përpiqet t’i gjejë ato, për të bërë që dosja hetimore ndaj tyre të jetë e plotë.
Ndërkohë, 4 personat e tjerë të përfshirë në vrasje kanë pranuar përpara Policisë, faktin se kanë kryer qitje me armë në drejtim të automjetit të policisë në Lazarat. /tesheshi.com/
