Në prag të 22-vjetorit të masakrës së Srebrenicës, e cilësuar si më e rënda që pas Luftës së Dytë Botërore, David Pettigrew, profesor i filozofisë në universitetin amerikan Southern Connecticut, deklaroi gjatë një qëndrimi në kryeqytetin boshnjak se “Srebrenica nuk guxon të harrohet”, sipas tij për shkak të aspekteve ende të panjohura të së vërtetës të asaj masakre, si dhe për të atyre që mbijetuan.
“Teksa i afrohemi 11 korrikut, në fytyrën e mohimit dhe cenzurës si dhe frikësimit psikologjik të të mbijetuarve, nuk mund dhe nuk guxojmë ta harrojmë Srebrenicën për shkak të saj, për shkak të mohimit, për shkak të kujtimit të pamjaftueshëm. Gjenocidi në Srebrenicë është mohuar vazhdimisht nga ekzekutorët e saj dhe nga ana e Republikës Srpska. Kohë më parë, Milorad Dodik, presidenti i këtij entiteti deklaroi se kurrë nuk do të lëjohet përdorimi i teksteve shkollore të cilat shkruajnë për genocidin në Srebrenicë dhe rrethimin e Sarajevës”, tha profesori i njohur aemrikan në sesionin e sotëm të Asociacionit të intelektualëve të pavarur “Krug 99”.
Më tej, ai tha se genocidi në Srebrenicë nuk mund të harrohet edhe për shkak të të mbijetuarve.
“Nuk mund dhe nuk guxojmë ta harrojmë Srebrenicën, sepse duhet patjetër t’i mbështesim personat e mbijetuar të cilët nuk do të jenë në gjendje ta harrojnë atë. Kujtimi i të mbijetuarve është i tillë që mund të lihet mënjanë, kur dikush e dëshiron atë. Nëse kjo ndodh, kujtesa përgjithmonë do t’i mbajë ato”, tha Pettigrew.
Ai shtoi se të mbijetuarit duhet patjetër të mbrohen nga maltretimet të shkaktuara nga sulmet e vazhdueshme dhe frikësimit psikologjik.
“Përgjegjësia jonë është të kujtojmë dhe të tregojmë të gjitha rrëfimet e atyre të cilët nuk mund të flasin për veten e tyre”, shtoi më tej ai. /tesheshi.com/
