Futbollisti legjendar brazilian Dani Alves, 41 vjeç, mësoi vendimin përfundimtar për sulm seksual në Barcelonë më 30 dhjetor 2022.
Gjykata spanjolle e dënoi me katër vjet e gjysmë burg.
Alves kaloi 13 muaj burg si masë parandaluese e urdhëruar nga gjykata.
Ai është në proces gjyqësor që nga muaji shkurt dhe në dy javët e mëparshme ka pasur mundësinë të paraqesë mbrojtjen e tij para gjykatës.
Kujtojmë se Alves akuzohet se ka detyruar një vajzë 23-vjeçare të kryejë marrëdhënie seksuale në tualetin e një klubi nate në Barcelonë natën e 31 dhjetorit 2022.
Gjatë procesit gjyqësor janë dëgjuar 30 persona, mes tyre edhe viktima, e cila ka dëshmuar me dyer të mbyllura.
Që nga fillimi deri në fund, Alves u shpreh se ai nuk ishte person i dhunshëm dhe se akti seksual ishte konsensual. Megjithatë, akuzuezja pretendoi se Alves e mbylli atë në tualet atë natë dhe e përdhunoi atje.
Menjëherë pas arrestimit të Alves, gjykata spanjolle urdhëroi ndalimin e futbollistit pa të drejtë lirimi për shkak të frikës se ai mund të arratisej në Brazil, i cili nuk ka një ligj ekstradimi të nënshkruar me Spanjën. /tesheshi.com/
