Një grua që bleu shampo online është habitur kur hapi pakon dhe gjeti brenda 20 pasaporta amerikane.
Nicole Mitchell nuk po i besonte syve kur hapi pakon që posta i solli dhe që përmbante dokumente konfidenciale të destinuara për Ambasadën Amerikane, në vend të shampos dhe balsamit.
46-vjeçarja lajmëroi menjëherë policinë dhe iu kërkua që ti vendoste pasaportat në pako deri sa një zyrtar të shkonte tek shtëpia e saj.
“Kjo është një shkelje masive e sigurisë, ka terrorizëm në të gjithë botën, po nëse ata do kishin shkuar në duart e terroristëve? Isha e frikësuar pasi askush nuk donte të më shpjegonte. Unë besoj se kjo është serioze,”-tha ajo.
Pasaportat u morën nga stafi i Ambasadës Amerikane, që mbërriti në shtëpinë e saj në veriperëndim të Londrës disa orë më vonë./tesheshi.com/
