Ndërhyn policia dhe ndërpret grevën e urisë së studentëve të universiteteve private të infermierisë. Studentët kanë pohuar se largimi i tyre nga ambientet e Fakultetit të Infermierisë është bërë me dhunë nga forcat e policisë. Greva e tyre kishte 24 orë që kishte nisur, me arsyen se Ministria e Arsimit u kishte caktuar tarifa më të larta studimi pas transferimit të tyre nga Universitetet private të mbyllura nga qeveria në ato publike. Stidentët që janë kryesisht në shumicë nga Universiteti Kristal theksojnë se tarifat janë të përballueshme, ndërkohë që kanë paguar 5 vjet studime në universitetin privat.
Pas lajmit se studentët janë larguar nga greva ka reaguar edhe Partia Demokratike. Koordinatori i saj Ervin Salianji tha se shumë shpejt shqiptarët do të shpëtojnë nga këto fëlliqësira që luajnë me fatin e shqiptarëve.
Kjo nuk është hera e parë që ndërpritet me forcë një grevë urie. Qeveria ka përdorur policinë si profilaksi për të mos u përhapur më tëj protesta.
Në vitin 1994, presidenti i atëhershëm, Sali Berisha ndërhyn në grevën e ish-të përndjekurve politik dhe nuk lejon që të vetëflijohen në ambjentet e shoqatës që drejtohej nga Kurt Kola.
Në vitin 1997 olicia ndërhyn në grevën e urisë së studentëve të Universitetit të Vlorës, e cila më pas shërbeu si një katalizor i një trazire të tmerrshme sociale.
Në vitin 1999 kryeministri i atëhershëm Ilir Meta autorizon forcat specile të policisë të ndërhyjnë në një grevë urie të studentëve që drejtoheshin nga një activist i FRPD. Secialet hynë në grevë në orët e natës i morën studentët dhe i dërguan një nga një larg Tiranës, në Laç, Mamurras, Krujë, duke i shpërndarë.
Më e fundit është greva e ish-të përndjekurve politikë në 2012, ku një prej grevistëve u vetëdogj e më pas ndërroi jetë në spital, Lirak Bejko. Edhe aty, pasi ditësh të tëra në ngujim, policia ndërhyri me forcë. Kjo shënoi dhe preçedentin e dytë ku ndaj të përndjekurve ndërhyet me polici, duke qenë në pushtet Sali Berisha. /tesheshi.com/
