Në një ceremoni përmbyllëse, drejtori i Policisë së Kosovës, Shpend Maxhuni, së bashku me ministrin Skënder Hyseni, kanë përcjellë lëvdata të shumta për punën e uniformave blu gjatë një viti. Sipas tyre, në një vit u shënuan rezultate dhe suksese.
“Policia e Kosovës mbetet faktor i sigurisë edhe në rajon. Qytetarët e Kosovës meritojnë të kenë sa më pak krim dhe sa më shumë siguri. Për të s’ka vlerë më të madhe se sa të punosh për vendin dhe ky është një nderë që kanë pjesëtarët e PK-së”, tha kryepolic Maxhuni.
Ndërsa ministri Hyseni tha se të gjitha punët dhe statistikat e paraqitura nga drejtori Maxhuni dëshmojnë për profesionalizmin, përkushtimin dhe patriotizmin e PK-së në misionin e saj për të ofruar rend dhe siguri.
Por dy zyrtarët e lartë nuk përmendën raste konkrete të punës së policisë, ndërkohë që në memorien e publikut, puna më e madhe e policisë së Kosovës ka qenë arrestimi i deputetëeve të opozitës, ku në krye qëndron operacioni gjigand për kapjen e Albin Kurtit brenda selisë së VV-së. /tesheshi.com/
