Policia arreston tre persona në Lazarat me urdhër të Prokurorisë së Krimeve të Rënda, pasi dyshohet se janë pjesëtar të grupit që ka marrë pjesë në vrasjen e oficerit të RENEA-s, të ndjerit Ibrahim Basha.
Siç bëjnë të ditur për tesheshi.com burime policore, me një operacion të orëve të mëngjesit, policia ka vënë në pranga Klodian Selimin 19 vjeç, Elvis Boçin 20 vjeç dhe Dërvish Gabën 20 vjeç. Të tre nga fshati Lazarat, të cilët policia i cilëson fajtorë me vëlezërit Arbion dhe Albano Aliko, pasi kanë marrë pjesë në aksionin për fshehjen e tyre që prej ditës së mërkurë, por edhe çoroditjes së policisë natën e tragjedisë duke shtënë me armë nga drejtime të ndryshme.
Vrasja e policit te RENEA-s ka qenë një kurth i parapërgatitur. Sipas dëshmisë të një gruaje për hetuesit lidhur me këtë ngjarje, vrima në murin rrethues nëpërmjet të cilit vrasësit kanë qëlluar mbi patrullat e policës, është hapur në 04:00 të mëngjesit, pra vetëm 5 orë para atentatit.
Hetuesit e Krimeve të Rënda në bashkëpunim me Policinë e Shtetit kanë identifikuar pika të sakta nga ku është qëlluar mbi efektivët e RENEA-s, ku nga një plumb me snajper gjeti vdekjen speciali Ibrahim Basha dhe mbetën të plagosur 2 kolegë të tij Jetmir Isai dhe Perlat Hamitaj.
rasësit kanë qëlluar nëpërmjet një vrime të hapur në një mur rrethues: policia tashme e ka prova se pozicioni për snajper është përgatitur 5 orë para atentati. Konkluzioni është që sulmi ndaj patrullave të policisë ka qenë një kurth, e ku nuk përjashtohet mundësia që të ketë qenë një kurth me pagesë.
Pjesë e kurthit kanë qenë edhe të shtënat me armë zjarri që kanë filluar rreth orës 02:00 e kanë vijuar gjatë gjitha natës. Ku gjatë hetimeve janë konstatuar 10 vatra të shtënash dhe policia ka gjetur mbi 100 gëzhoja plumbash të kalibrave të ndryshëm.
Pas të shtënave në ndihmë të policisë në Lazarat kanë shkuar forcat e FNSH me dy autoblinda dhe një makinë Volsëagen nga ku doli efektivi, Ibrahim Basha me dy kolegët e tij, të cilët u bënë edhe objektiv të vrasësve.
Fakti se killerat qëlluan vetëm në drejtim të automjetit Volsëagen dhe jo blindave tregon se kanë qenë të mirëpërgatitur dhe me synim për të goditur efektivët e policisë.
Ibrahim Basha bashkë me dy kolegët e tij të tjerë kishte mbërritur në vendngjarje me një autokolonë të RENEA-s: dy mjetet e para ishin të blinduara, i treti ku udhëtonte ai bashkë me Jetmir Isaj dhe Perlat Hamitaj ishte një furgon blu Volksëagen pa asnjë lloj mbrojtje anti-plumb. /tesheshi.com/
