Nga Blendi Gashi
Përkundër pakënaqësive në koalicionin qeverisës mes PDK-së dhe LDK-së, këto dy parti, konkretisht krerët e tyre thonë se po jetojnë një “martesë” të lumtur.
Por, duke ditur rivalitetin mes partive në fjalë që nga palsufta, deklarimet e tilla bëhen për konsum të brendshëm, pasi nuk përkojnë me realitetin, për çka janë të vetëdijshëm edhe vet drejtuesit e dy partive në koalicion.
Se Kadri Veseli bashkëqeveris prej zorit dhe momentalisht për interesa të tij politike, e tregoi edhe një deklaratë e bërë së fundmi nga kryekuvendari lidhur me mënyrën se si është qeverisur Prishtina që nga paslufta.
Dalja në opinion së fundmi e disa emrave të mundshëm si kandidat për kryetar të Prishtinës (konkretisht e Behxhet Pacollit, si kanidadat i mundshëm i AKR-së së bashku me PDK-në) bëri që Kadri Veseli të tregoi “armiqësinë” që ka ndaj Isa Mustafës, njeriut që udhëheqi për dy mandate me Prishtinën.
Kryeparlamentari Veseli, duke mos dashur të komentoj në lidhje me kandidimin e mundshëm të Pacollit për kryetar të Prishtinës, deklaroi për mediat se kryeqyteti meriton më shumë vëmendje.
“PDK iu siguron se do ta ketë një kandidat shumë të denjët për kryeqendrën e Republikës së Kosovës e cila meriton vëmendjen dhe respekt më shumë se sa ka pasur gjatë këtyre 17 viteve… PDK mbi 90 % të lidërshipit politik të çdo partie jeton në Prishtinë nuk e meriton këtë qasje dhe këtë drejtim që ka pasur në këto 17 vite. Që nga pas lufta Prishtina ka humbur shumë. Do të kujdesemi që ta kemi një kryetar të denjë për Prishtinën”, ka thënë Veseli.
Me këtë deklaratë, Veseli, përveç kreut aktual të Prishtinës, Shpend Ahmeti, goditi drejtëpërdrejt edhe Isa Mustafën, pasi tha se “Prishtina ka humbur shumë nga paslufta dhe meriton një kandidat të denjë”.
Pra, për Veselin, Isa Mustafa gjatë disa viteve që udhëhoqi Prishtinën, ishte i padenjë dhe kryetar e jo i duhur për ta drejtuar atë, për çka sipas tij i shkaktoi shumë humbje kryeqytetit.
Por, shtrohet pyetja; a po e ndjek rrugën e njëjtë Kadri Veseli siç bëri Isa Mustafa për të marrë postin e kryeministrit, duke goditur drejtëpërdrejti rivalët?!
Kujtojmë se Isa Mustafa përmes dinakërisë së tij erdhi në krye të qeverisë, pra duke goditur drejtëpërdrejt ish kryeministrin Hashim Thaçi dhe PDK-në duke e quajtur parti të krimit që nuk mund të qeverisë me vendin, por që në fund i harroi akuzat dhe u përqafua me rivalët.
Siç duket, dinakëria e Mustafës po i pëlqen Kadri Veselit, dhe pikërisht rrugën e tij me gjasë dëshiron ta ndjek për të ulur në karrigen e kryeministrit.
Veseli, me deklaratën e bërë për keqqeverisje në Prishtinë nga paslufta, tregon qartë se synimi i tij është që të prishë koalicionin aktual me LDK-në dhe më pas duke goditur rëndë Isa Mustafën për keqqeverisje në Prishtinë, pse jo edhe si kryeministër t’i çelë rrugën vetes të bëhet kryetar qeverie dhe të udhëheqë shtetin.
Edhe analistë politikë, disa herë kanë thënë për portalin tesheshi.com se Kadri Veseli do ta pensionojë nga politika Isa Mustafën dhe do të bëj çmos të bëhet kryeministër i vendit.
Megjithatë, për të kuptuar nëse kreu i PDK-së Kadri Veseli do të jetë kandidat për kryeministër duhet pritur zgjedhjet paralamentare që sipas kalendarit duhet të mbahen më 2018-të, por sipas njohësve politik dhe opozitës ato do mbahen në fund të këtij viti apo vitin e ardhshëm. /tesheshi.com/
