Topçinjtë nuk e kanë fituar Premier Ligën që nga sezoni 2002/03, kur të besuarit e Arsene Wenger kishin mbyllur sezonin magjik pa asnjë humbje, duke u bërë kështu skuadra e parë që e arrijnë një sukses të tillë.
Pas shumë viteve, klubi nga Londra e Veriut, ka mundësinë të rikthejë titullin e Premier Ligës në syrtarët e saj, pasi kryeson kampionatin pas javës së 20-të, me 42 pikë, dy më shumë se ndjekësi më i afërt, Leicester City.
“Tesheshi.com”, transmeton pesë arsyet pse Arsenali këtë edicion mund të fitojë titullin e Premier Ligës:
Kampionati më i hapur në këto dhjetë vitet e fundit
Duke marrë parasysh formën e luhatshme të “bigëve” tjerë si Manchester United, Chelsea, Liverpool dhe City, lejon që skuadra Arsenal të ëndërrojë një gjë të tillë dhe për faktin se ka njërën ndër skuadrat më stabile në këtë edicion nga gjithë pretendentët e tjerë.
Ozili më i mirë është rikthyer
Gjermani më në fund e ka gjetur formën e tij ideale. Për momentin është asistuesi më i mirë i ligës dhe ndodhet vetëm një pasim tjetër për gol të thyejë rekordin e legjendës Thiery Henry, me 20 asistime brenda një sezoni. Prezenca e tij brenda fushës së lojës i ka dhënë kreativitet dhe stabilitet formacionit të gunners.
Cech një garanci për portën
Kanë kaluar vite, që kur Arsenal kishte një portier të kalibrit të tillë, sikurse Petr Cech. Për momentin “gardiani” çek ka mbajtur portën e tij të paprekur nëntë herë këtë sezon, më shumë se çdo portier tjetër, mbi të gjitha ka thyer rekordin e Premier Ligës, duke mbajtur në 171 ndeshje portën e paprekur.
Ekuilibri i skuadrës
Pavarësisht lëndimeve të shumta që kanë përcjellë topçinjtë këtë sezon, në shumë ndeshje kanë treguar se kanë skuadër për të përballur edhe deficitin e futbollistëve. Lëndimet e
futbollistëve kryesorë si Alexis Sanchez dhe Santi Cazorla, janë mbuluar për mrekulli nga zëvendësuesit e tjerë, duke i dhënë një tjetër garanci trajnerit francez Arsene Wenger, lidhur me stabilitetin e skuadrës.
-
Tregon vlera në ndeshje të mëdha
Vetëm kampioni në fuqi, Chelsea, ka arritur ta mposhtë skuadrën e Arsenal-it, nga të gjithë skuadrat e tjera të mëdha. Revolveristët kanë triumfuar ndaj dy skuadrave nga Manchesteri, United dhe City. Gjithashtu ka triumfuar edhe në Ligën e Kampionëve, në shtëpi ndaj skuadrës gjermane, Bayern Mynih./tesheshi.com/
