Kryeministri Edi Rama tha sot se Forcat e Emergjencave Civile kanë shpëtuar rreth 1600 persona në rrezik jete nga përmbytjet që kanë përfshirë Shqipërinë që ditës së enjte.
Rama ka dhënë pamjen e një operacioni ku janë shpëtuar tre persona që ndodheshin sipër makinës së tyre të përpirë nga uji.
“Me pamjet mbresëlënëse të këtij operacioni shpëtimi të tre bashkëqytetarëve në rrezik jete, duke u përulur me respekt të thellë ndaj forcave të kërkim – shpëtimit, të cilat kanë operuar 48 orë papushim duke nxjerrë 1594 persona nga kushtet e kërcënimit të jetës, uroj që gjithçka të shkojë mirë deri në fund e për të gjithë ju të jetë një e dielë sa më e qetë”, shkruan Rama.
/tesheshi.com/
