Shteti ka gjetur një mënyrë origjinale për t`i kompensuar familjet e përmbytura në veri të vendit gjatë vitit 2010-2011. Eshtë OSSHE që do u fal atyre borxhet që i kanë Operatorit të Shpërndarjes së Energjisë, që do njihen më pas si vlera kompesuese. E thënë më shqip, unë ta kam një borxh, e për ta shlyer atë nuk po të marr borxhin që dhe ti më ke.
Zyrtarisht njoftohet se janë rreth 13 mijë e 500 subjekte që do të përfitojnë nga kjo skemë. Brenda datës 7 mars njofton OSSHE, të gjithë ata që e shohin veten brenda kësaj skeme, duhet të paraqesin fotokopjen e kartës së indentitetit, si dhe librezën e dritave apo faturën e energjisë, për të përfituar nga falja.
Fjala është për të gjithë ata subjekte që u dëmtuan rëndë nga përmbytjet në zonën e Shkodrës, këtu e 3-4 vite më parë.
