Një rrëfim i Edi Ramës mbi një rrahje brutale që i është bërë në `97, e më pas një deklarim i Berishës se rrahja që i është bërë ka patur motiv pasionin (megjithëse 97-ta nuk ishte asfare kohë për dashuri), provokoi një sërë reagimesh në media mbi rrahjet e asaj periudhe, por dhe të çdo kohë, ku në qendër kanë qenë politikanë. Por kur i adresohemi një periudhe si `97, hasim në raste kur viktimë e rrahjeve kanë rënë dhe emra publike pa ndonjë lidhje me politikën. Një prej tyre është Xhevahir Spahiu, që më së miri i shkon përshtat thënia “digjet i njomi me të thatin”, pasi prej dhunës së atyre ditëve ra viktimë dhe ai, ndoshta i ndodhur në vendin dhe momentin e gabuar. Portali ‘tesheshi’, sjell vargjet që poeti i madh u ka kushtuar atyre momenteve plot dramë:
Tri kafshë
Mbi katër rrota
M`i gëlltitën sytë
(vdekje, të theri zemra?)
Qajnë gishtërinjtë e mi si stalaktitet
Për ju, o shpella
Ç`paskëshi mbajtur brenda!
Tiranë, 10 shkurt 1997, ditë e hënë, ora 10.30
