Çaji është më shumë sesa një pije e thjeshtë. Ai ka shumë veti mjekësore, por edhe bukurie. Disa bustina çaji mund të përdoren për të kryer shumë funksione estetike dhe mbi të gjitha me shumë pak lekë.
Mësoni se cilat janë disa prej tyre.
Bustina për sytë
Bustinat e çajit ndihmojnë për fryrjen e syve. Mund t’i përdorni në qepalla për të shplodhur sytë dhe ato do të duken më të freskët.
Bustina për flokët
Çaji është ideal për rigjenerimin e flokëve dhe për t’i dhënë shkëlqim. Për ta provuar, mjaftojnë disa bustina çaji në ujë të nxehtë dhe lëreni të veprojnë për disa minuta. Kur temperatura e ujit të jetë e pranueshme, hidheni në kokë dhe masazhojeni si një shampo që të veprojë. Mbajeni për afërsisht 10 minuta dhe më pas shplajeni.
Pastrues për fytyrën
Pak çaj dhe disa lugë të vogla mjaltë janë përbërës natyral për një pastrim të fytyrësh. Mjafton të përgatisësh një filxhan çaji, mundësisht jeshil, shtoni pak mjaltë dhe lëreni të shkrijë. Me një copë pambuk aplikojeni në fytyrë dhe lëreni të veprojë për disa minuta. Më pas shpëlajeni.
Skrab për trupin
Mjaftojnë pak përbërës për të bërë një skrab në shtëpi. Dy bustina çaj, mundësisht çaj jeshil, ose çfarëdo lloj arome që preferoni, sheqer dhe vaj kokosi për të pasur një përbërës të mirë për trupin.
Deodorant
Bustinat e çajit thithin erërat e këqija. Për këtë mjafton t’i vendosni bustinat në këpucë apo në çantën e palestrës, për të shmangur këto erëra.
Locioni pas diellit
Nëse jeni me pushime dhe doni të merrni një ngjyrë të mirë, ka një mënyrë të thjeshtë për të lehtësuar lëkurën tuaj nga djegiet. Dhe ky është çaji jeshil. Mjafton të përgatisni një filxhan me çaj jeshil, ta lini të ftohet. Ngjyeni copa pambuku në të dhe vendosini në zonat që ju djegin. Do të shihni se do lehtësoheni për 10 minuta./tesheshi.com/
