Nga Bashkim Kastrati
Disa nga institucionet që funksionojnë në kuadër të Republikës së Kosovës dhe paguhen nga taksat e qytetarëve të Kosovës, nuk e njohin pavarësinë e Kosovës, por funksionojnë me dokumentacione të Serbisë.
Rasti më i fundit është evidentuar në fshatin Donja Gushterica të Komunës së Lipjanit.
Shtëpia e Shëndetit e këtij fshati dokumentacionin mjekësor e lëshon të Serbisë, në gjuhën serbe dhe me vulë serbe. Kjo tregon se as në institucione të nivelit të ulët ku ka banorë serbë nuk njihet e respektohet shteti i Kosovës, megjithëse ata i pranojnë paratë e shtetit të Kosovës, pasi stafi shëndetësor aty paguhen nga shteti i Kosovës
Këtë dokument mjekësor e ka publikuar doktori Jusuf Ulaj, duke treguar detaje rreth përmbajtjes së tij.
“Sot duke punuar në klinikën time Aura, me ra ne dorë ky dokument zyrtar shëndetësor i lëshuar në shtëpinë e shëndetit në fshatin Donja Gushterica, Komuna e Lipjanit. Siç e shihni, shkruan vetëm në cirilic: Republika Serbija …bllablla. Këta punëtorë marrin rroga edhe nga buxheti i Republikës së Kosovës. Inspektorati i cilit shtet duhet të intervenoj dhe t’iu tregoj këtyre qytetarëve të Republikës së Kosovës se këtu është KOSOVË e jo Serbi”, ka deklaruar Ulaj.
E ndërsa politika kosovare është përfshirë në një krizë të thellë për shkak të një firme në Bruksel mbi krijimin e Asocacionit të Komunave Serbe, vjen dhe ky dokument që tregon se serbët nuk tuten e nuk tunden para asgjëje.
Dokumenti tregon se jo vetëm në Veri, por dhe në zemër të Kosovës, ata nuk a kanë për gjë që ta sfidojnë hapur shtetin e Kosovës. /tesheshi.com/
