Edson Arantes do Nascimento i njohur për të gjithë si Pele, ka kritikuar bashkëkombasin e tij, Neymar. Një një intervistë dhënë prestigjiozes braziliane Placar, Pele ka thënë se Neymar nuk është ende një yll dhe ka lojtarë shumë më të mirë se ai.
“Neymar është një lojtar i mirë. Por shikoni ju, sa gola ka realizuar ai me kokë? Vasconcelos (një futbollist legjendar që ka luajtur para Peles), ishte dhjetë herë më i mirë se Neymar. Nuk krijon shumë raste, nuk kthehet prapa dhe ka shumë defekte të tjera. Ka futbollistë shumë më të mirë se aj”, deklaroi Pele.
Ndërkohë, braziliani mendon se Messi është një futbollist i një niveli tjetër.
“Është futbollisti më i mirë në dhjetë vitet e fundit. Mirëpo edhe Leo nuk shënon shumë gola me kokë dhe me këmbn e djathtë. Një gjë të tillë të cilën e bën shumë mirë Cristiano Ronaldo, duke trashëguar stilin e Ronaldos brazilian. Messi është me fat sepse nuk kanë me kë ta krahasojnë, ndërkohë në kohën time ishin Beckenbauer, Socrates ose Dirceu Lopes, me të cilët isha në garë”, përfundoi legjenda e futbollit brazilian. /tesheshi.com/
