Në Kosovë janë kthyer rastet e përjashtimit nga mësimdhënia e mësueseve me shami. Ka ndodhur kjo së fundi në Suharekë me një mësuese matematike.
Rastin pason debatin mbi një Urdhër Administrativ që nga qeveria Thaçi, por që pa efekt në terren në qeverisjen Kurti, mbi moslejimin e nxënësve më shami në shkolla. Por tani kemi të bëjmë me rastin e një mësueseje, po aq delikat, ku shfaqet e njëjtja ndarje mbi gjykimin mbi atë se si duhet intepretuar laikja e fetarja në këtë këtë rast.
Në vendimin e shkollës ku mësuesja në fjalë ushtronte profesionin e mësimdhënëses së matematikës, veshja e saj cilësohet si “uniformë fetare” dhe, me disa referenca ligjore, i ndalohet të vijojë mësimdhënien.
Për rastin reagoi dhe kryetari i Komunës së Suharekës, Bali Muharremaj, duke mos qenë dakort me këtë zhvillim.
“Bordi i prindërve nuk është institucion, i cili punëson apo largon një mësimdhënës nga puna. Kjo ndodh në organet komunale më një procedurë tash të rregulluar mirë.
Në qoftë se ndonjë mësimdhënës ka rast disiplinor, atëherë është Komisioni Disiplinor që e trajton rastin dhe i sugjeron drejtorit, respektivisht mua si kryetar për veprimet institucionale.
Deri në një rast të tillë, të gjithë mësimdhënësit ushtrojnë detyrat e veta konform procedurës së lartpërmendur.
Për momentin jam në udhëtim jasht vendit, por që nga dita e hënë do ta trajtoj me prioritet këtë rast, kjo në përputhje me ligjin, me urdhërin administrativ të Ministrisë së Arsimit dhe interpretimit të Gjykatës Kushtetuese, dhe kështu do t’i japim fund edhe debatit krejt të panevojshëm për këtë temë.
Përndryshe, gjuha linçuese, ofenduese ka vetëm një synim: përçarjen në mes nesh dhe dëmtimin politik të Komunës dhe sukseseve të arritura deri më tani”, shkruan i pari i Suharakës.
Sakaq, ndër intelektualët e njohur muslimanë të Kosovës, ka reaguar ashpër ndaj asaj çfarë është shkruar në vendimin e shkollës, në aspekt të jokorrektesës gjuhësore, duke shfaqur kësisoj paradokset e llahtarshme të atyre që drejtojnë arsimin në Kosovë.
“Ta lëmë menjanë faktin që janë ngritur në këmbë si lugetër dhe të orkestruar po i luftojnë nënat, motrat, bashkëshortet e vajzat tona. Ani pse nuk bënë ta lëmë menjanë.
Shikone këtë vendim skandaloz me sa gabime gjuhësore e teknike është përpiluar. Shikoni se kush i mëson fëmijët tanë e në duart e kujt i kemi lënë fëmijët tanë.
Shikone injorancën e drejtorit të shkollës, injorancën të këtij farë Këshilli Drejtues e të përpiluesit të këtij vendimi. Shikoni si shkruajnë shqip e kush na qenka rojtar e gardian i kinse ligjeve të Kosovës.
Turpi ju mbuloftë, xhahila…!
P/S: Një vendim me dy paragrafë, me 23 gabime!!!!”, shkruan Bajrami.
Kujtojmë se mësuesja në fjalë, Remzie Lezi, ushtron prej vitesh mësimdhënien e matematikës në shkollën nga e cila është ndaluar të vijojë profesionin e saj, por deri dje ajo nuk ka qenë me shami. Gjithçka ka ndodhur i përket këtij viti të ri shkollor, ku ajo është shfaqur me shami.
Kujtojmë gjithashtu se këto lloj precedentësh apo ky lloj debati ndodh vetëm në Kosovë e askund në rajon, as në Shqipëri. /tesheshi.com/
