Pas përfundimit pa bujë të periudhës së tij në PSG, e gjithë bota e futbollit po pyet vetëm një gjë: Ku do të shkojë Leo Messi?
Një video duket se i përgjigjet kësaj pyetjeje.
As milionat dhe as ari i Arabisë Saudite nuk dhanë fryte; duket se Leo po rikthehet në Barcelonë!
Videoja e gazetarit Toni Juan Marti tregon babain e Messit dhe presidentin e Barcelonës, Joan Laporta në një takim, kështu që ka çdo mundësi që kampioni i botës të kthehet në shtëpi.
🚨 Jorge Messi and Barcelona president Joan Laporta — meeting now to discuss Leo’s return after La Liga approved the plan.
More to follow on the Messi saga, key hours and days ahead.
🧨🎥 Exclusive video by @tjuanmarti pic.twitter.com/Fshgi2xX8f
— Fabrizio Romano (@FabrizioRomano) June 5, 2023
Projekti i “shenjtorëve” me Messin, Mbappe dhe Neymar pësoi një fiasko, pasi treshja e formuar për t’i çuar parizienët drejt trofeut të shumëdëshiruar të Champions League nuk iu afrua as objektivit për të dytin vit radhazi.
“Jam i lumtur që pata mundësinë të luaj për PSG. Më pëlqeu shumë të luaja në këtë ekip, me lojtarë kaq të mirë. Dua të falënderoj klubin për përvojën e bukur në Paris”, tha Messi për ESPN.
Tani argjentinasi ka dy opsione realiste për të vazhduar karrierën e tij. E para është një rikthim në Barcelonë, nga e cila u detyrua të largohej dy sezone më parë dhe e dyta është një udhëtim në Lindjen e Mesme ku ka një ofertë përrallore nga Al Hillal. Sipas mediave spanjolle, klubi nga Arabia Saudite i ofroi Messit 350,000,000 të pabesueshme në vit, por futbollisti më i mirë në botë ende nuk ka rënë dakord për këtë. /tesheshi.com/
