Pagjumësia është një problem shumë i përhapur dhe që shkakton jo pak probleme. Ky problem na bën ansioz, të depresionuar, të lodhur dhe mbi të gjitha të fiksuar pas gjumit.
Një studim i zhvilluar nga Organizata Botërore e Shëndetësisë ka zbuluar një të vërtetë alarmuese, të flesh keq është e dëmshme për shëndetin, po aq sa duhani. Kjo pasi pagjumësia rrit rrezikun e mundësisë për t’u goditur nga infarkti apo probleme të tjera kardiake.
Në studim u përfshin 657 meshkuj mes moshës 25 dhe 64 vjeçare, të cilët nuk kishin vuajtur kurrë nga problemet me zemrën.
Këta persona u mbajtën nën vëzhgim për 14 vjet dhe në 63% të rasteve, ata që me kalimin e viteve ishin prekur nga infarkti, rezultoi se kishin edhe probleme me gjumin.
Më saktësisht ata që flinin më pak se 7 orë rrezikonin me 50% që të vuanin edhe nga problemet me frymëmarrjen, krahasuar me ata që bëjnë një gjumë të thellë.
Profesor Valery Gafarov, i Russian Academy of Medical Sciences në Novosibirsk (Rusi), thotë se, “Gjumi nuk është diçka banale. Ata që vuajnë nga pagjumësia kanë më shumë mundësi që të vuajnë nga sëmundje kardiake, njëlloj ose më shumë se ata që pinë duhan dhe nuk merren me aktivitet fizik”.
Këshillohet që për mposhtjen e këtij problemi të kalohet një natë e qetë, duke konsumuar edhe ushqime që stimulojnë përgjumjen. /tesheshi.com/
