Policia e Shtetit njoftoi se ka nisur një kontroll operacional në kampin e MEK, në Manëz të Durrësit.
Sipas njoftimit zyrtar, ky aksion kontrolli vjen pas një vendimi të marrë nga Gjykata e Posaçme Kundër Korrupsionit dhe Krimit të Organizuar.
“Në zbatim të vendimit të Gjykatës së Posaçme kundër Korrupsionit dhe Krimit të Organizuar dhe të urdhrit të ekzekutimit të Prokurorisë pranë kësaj Gjykate, për kontrollin e të gjitha ambienteve dhe zyrave ku banojnë për qëllime humanitare, Policia e Shtetit, në kuadër të një plani operacional, ka filluar kontrollin e të gjitha ambienteve dhe zyrave në kampin MEK, në Manëz, Durrës”, njofton Policia e Shtetit.
“Në zbatim të urdhër-kontrolleve të nxjerra nga Gjykata, Policia e Shtetit ka marrë masa për zbatimin e tyre, me planin e kontrollit të ambienteve në territorin e kampit MEK, duke zbatuar me rigorozitet etikën dhe komunikimin e duke respektuar të drejtat dhe liritë themelore të të gjithë qytetarëve dhe komunitetit që banon në këtë kamp”, theksohet në njoftimin e Policisë së Shtetit.
Në njoftimin e saj, Policia e Shteti sqaron se në përfundim të kontrolleve do të ketë njoftim më të detajuar.
Tej aspektit zyrtar, fjala është për një operacion kundër sulmeve kibernetike, të cilat kanë për ogjininë Iranin. /tesheshi.com/
