Kreu demokrat, Basha iu është rikthyer akuzave që kanë në qendër procesin e kriminalizimit të pushtetit të Ramës sipas tij, dhe dekriminalizmit, duke e konsideruar këtë të fundi si një meritë të padiskutueshme të opozitës. Në një takim me anëtarë dhe simpatizantë të të degës 9 në kryeqytet, Basha tha se dhe droga është pjellë e krimit në pushtet. Dhe, duke aluduar se ky krim nesër mund të blejë zgjedhjet e pritshme, ato të parlamentare, Basha tha se pa zbatuar ligjin e dekriminalizimit në vend nuk mund të ketë zgjedhje normale.
“Po të vesh Artur Bushin kryetar të bashkisë së Krujës, çfarë tjetër mund të presësh përveçse mbulimin e Bashkisë së Krujës nga droga dhe ndërtimin e aerodromeve të drogës në Bashkinë e Krujës? Po të kesh Artur Bardhin në Kurbin, Elvis Roshin në Kavajë, Armando Prengen në Laç, Arben Ndokën në Lezhë e kështu me radhë nga jugu në veri, çfarë tjetër mund të presësh? Kur kriminalizon shtetin, kur vendos trafikantët e dënuar në poste kyçe, kur këta të diktojnë përmes bashkëpunëtorit të tyre më të ngushtë, ministrit të brendshëm se kë do vesh shef policie, kë do vesh drejtor policie? Kriminalizimi i shtetit nga Edi Rama dhe Saimir Tahiri i parapriu kthimit të Shqipërisë në një hambar droge. Kjo do të thotë se pa zbatuar reformën më të rëndësishme në vend ligjin e dekriminalizimit, ne nuk mund të ecim përpara, nuk mund të ketë as zgjedhje, as procese të tjera normale. Siguria mirëqenia janë në rrezik”, deklaroi lideri i PD-së.
Ditë pas dite po shtohën zërat opozitarë mbi mundësinë, sipas saj, të blerjes së votës nga krimi. Kjo tezë ak ardhur duke u intensifikuar që pas humbjes në Dibër, ku si shkak bazë u tha se ishte pikërisht kjo, blerja e votës me para droge. /tsheshi.com/
