Presidenti amerikan, Barack Obama nis vizitën në Kenia ku do të hapë punimet e një samiti biznesi, por së pari ai ka përmbushur pritshmëritë e atyre që e cilësojnë vizitën “ardhje në shtëpi”, për shkak se babai i presidentit ka lindur në këtë vend. Darkën e së premtes, Obama e kaloi me të afërmit e tij në Kenia.
Në aeroport, presidentin e priti edhe gjysëm-motra, Auma dhe më pas në darkë, rreth tij u mblodhën edhe të afërm të tjerë, mes të cilëve edhe “mama Sarah” që ndihmoi në rritjen e të atit të presidentit.
Në mbërritjen e Obamës, turmat kanë mbushur rrugët në Najrobi për të pritur presidentin. /tesheshi/
