Një kamera sigurie në aeroportin e Seattle kapi momentin kur një zjarr me qark të shkurtër shpërtheu nën kabinën e Airbus të Delta Airlines dhe pasagjerët e tmerruar u evakuuan nga avioni.
Në videon e një kamere sigurie, avioni duket se është ulur dhe kanë nisur procedurat për zbarkimin e pasagjerëve të fluturimit 604 nga Meksika.
Megjithatë, kur avioni u lidh me rrjetin elektrik të aeroportit, pati një qark të shkurtër dhe një zjarr, duke rezultuar në një re tymi që mbuloi kabinën.
Menjëherë piloti udhëzoi stjuardesat që të hapnin daljet e emergjencës dhe të vazhdonin me evakuimin e avionit.
“Kishte panik, njerëzit filluan të shtyjnë për t’u afruar te daljet e urgjencës,” përshkroi një pasagjer në aeroplan.
“Për arsye sigurie, rrëshqitjet e daljes u vendosën me pasagjerë që zbrisnin nga pjesa e pasme e avionit. Avioni është hequr nga orari i fluturimit për inspektim dhe mirëmbajtje”, tha Delta në një deklaratë. /tesheshi.com/
