Kopertina e revistës Playboy me ministren Marlene Schiappa, në qeverinë e Emmanuel Macron, u bë skandali i fundit që tronditi presidentin francez.
Ndërsa protestat janë ende në vazhdim në Paris, Macron tani po lufton me një tjetër skandal, që është një intervistë me ministren Schiappa në një revistë të diskutueshme.
Vendimi për të pozuar për Playboy tërhoqi kritika edhe nga brenda partisë së tij.
Schiappa, Sekretare e Shtetit për Ekonominë Sociale, 40 vjeçe, u konsiderua “e pajtueshme me Playboy” nga të gjithë ministrat e kabinetit, tha redaktori i edicionit francez të revistës.
Schiappa ishte një aktiviste për të drejtat e grave përpara përfshirjes së saj aktive në politikë dhe thuhet se pranoi të intervistohej për të diskutuar gjithçka, nga feminizmi, dhuna kundër grave dhe të drejtat e grave, deri te politika, ngrohja globale dhe letërsia.
Teksa ministrja shfaqet tërësisht e veshur në kopertinë dhe në 12 faqe, ajo pozon joshëse, me flamurin francez të mbështjellë rreth saj.
Kritikët e përshkruan pamjen e saj si një shpërqendrim të sajuar dhe një siklet për partinë e saj, me shumë që pretendojnë se veprimi i saj ishte “i papërshtatshëm” duke pasur parasysh protestat e vazhdueshme masive mbi reformën e pensioneve, raporton CNN.
Anëtarë të opozitës pohojnë se në këtë rast është vetëm një taktikë e përpunuar për të larguar vëmendjen nga protestat e diskutueshme që po ndodhin në Paris. /tesheshi.com/
