Një kamp ushtarak romak më shumë se 2000 vjeçar është gjetur në Alpe. Kjo gjetje magjepsëse, e cila mbeti e fshehur për shekuj, hedh dritë të re mbi jetën dhe strategjinë ushtarake romake në rajonin e njohur tashmë si “Zvicra Romake”.
Gjatë epokës romake, kampi mbrohej nga një sistem kompleks mbrojtjesh, duke përfshirë tre kanale dhe një mur mbrojtës. Kampi daton në shekullin e parë para Krishtit dhe ndodhej në një lokacion strategjik me pamje nga një arenë e famshme konflikti nga ajo periudhë, sipas një deklarate nga kantoni i Graubünden, një rajon në pjesën lindore të Zvicrës, shkruan Live Science.
Kampi u zbulua në vitin 2023 falë punës së një “detektori vullnetar” që përdorte teknologjinë lidar.
Lidar, një metodë që përdor lazer për të krijuar harta topografike, bëri të mundur zbulimin e kampit të fshehur nga ajri, ndërsa më parë studiuesit ishin në dijeni vetëm për fushën e betejës që ndodhej 900 metra poshtë kampit.
Ky zbulim sjell njohuri të reja për strategjinë e ushtarëve romakë sepse kampi ndodhej në një vend të lartë dhe strategjikisht të favorshëm që ofron një pamje të gjerë të luginave përreth.
Artefaktet e gjetura përfshijnë armë, hobe dhe gozhda këpucësh, dhe mes tyre ka hobe që mbajnë vulën e Legjionit të Tretë. Ky legjion ishte i njohur për praninë e tij në fushën e betejës poshtë kampit, gjë që tregon për një lidhje të mundshme mes asaj njësie dhe kampit. /tesheshi.com/
