Çdo ditë sjell me vete përherë e më shumë trishtim në pjesën e rrethuar të qytetit të Halepit. Qyteti është tashmë çdo ditë në qendër të titujve të lajmeve, ndërkohë që luftimet për qytetin janë intensifikuar gjatë dy muajve të fundit. Rreth 275,000 civilë janë bllokuar në pjesën lindore të qytetit, të kapur në betejen e vazhdueshme në mes regjimit sirian dhe kryengtitësve. Kjo pjesë e qytetit është e privuar në masë të madhe nga ushqimi, uji, shërbimet mjekësore dhe shumica e furnizimeve të tjera themelore. Spitalet në terren, personeli mjekësor dhe të gjitha format e tjera të përkrahjes janë bombarduar gjaë 4 viteve të fundit dhe është e paimagjinueshme që kaq shumë civilë janë ende duke u përpjekur për të mbijetuar në mes të gjithë këtij shkatërrimi. Disa ditë më parë dhjetëra njerëz humbën jetën gjatë bombardimeve ajrore; e vetëm gjatë kësaj jave 150 syresh e lanë këtë botë.
Pakësimi i stafit mjekësor
Për shkak të shënjestrimit të qëllimshëm të regjimit sirian ndaj personelit dhe objekteve mjekësore, Halepi ka parë shumë mjekë duke vdekur ose duke u larguar nga qyteti. Dr. Farida, e cila përdor vetëm emrin e saj të parë për arsye sigurie, është specialistja e fundit e Gjinekologjisë dhe Obstetrikës e mbetur në pjesën lindore të qytetit. Vetë dalja në punë është një kurth vdekjeje, pasi Dr Farida çdo ditë i duhet të ecë rrugëve të shkatërruara të qytetit. Sa herë që ajo merr makinën për në punë, i duhet të fikë dritat në mënyrë që të mos jetë shënjestër e bombardimeve ajrore. Asaj gjithashtu i duhet ta marrë me vete në punë edhe vajzën e saj 7-vjeçare.
E barabartë me 1000 meshkuj
Dr Zaher Sahloul, siriano-amerikane, specialiste për kujdesin kritik e cila kryeson një nga organizatat më të mëdha që punojnë në zonën e kontrolluar nga opozita siriane, e përmblodhi vlerën e Dr. Farida-s me këto fjalë: “Kolegët e saj thonë se ajo është e barabartë me 1000 burra, që flet edhe edhe një herë për forcën dhe udhëheqjen e gruas në këtë qytet dhe shoqëri që shihet nga tjerët si konservatore”.
Gjatë një interviste për USA Today gjatë muajit gusht, Dr. Farida foli për rreziqet e punës gjatë kohës së bombardimeve: “Çdo grua që vjennë spital e di se e ka në rrezik jetën e saj. Në këtë mënyrë, ato vetëm vijnë të lindin dhe kthehen menjëherë në shtëpi, pasi e dijnë që spitali ynë është gjithmonë në shënjestër”.
Pavarësisht nga rreziqet ekstreme në të cilën punon, ajo nuk e ka ndërmend të braktisë punën e saj si specialistja e fundit e mbetur në fushën e saj të rëndësishme në Halepin lindor dhe thotë: “Unë e dua punën time, i dua pacientët e mi dhe i dua bebet”. Në mesin e gjithë atyre vdekjeve, ajo vazhdon t’u ndihmojë grave të pafajshme të sjellin jetë të reja dhe gëzim në këtë botë. Çfarë heroine! /tesheshi.com/
