Ramush Haradinaj, një lloj akuzatori politik pa fre, ka shkuar deri aty sa të pretendojë se Albin Kurti punon për Moskën.
Duke mos u mjaftuar me kritika krejt të natyrshme mbi qeverisjen, të trajtimit të problemeve të veriut, apo aspekte delikate të përballjes me Serbinë, ky ish-kryeministër pa ndonjë shkëlqim, e gjithashtu politikan në rënie të lirë, tha në një “sulm të pamëshirshëm” ndaj njeriut të qeveris Kosovën se “Kurti ka agjendë me kriju një hendek mes nesh dhe aleatëve të sigurisë. Nuk bëhet kjo pa agjendë. Ai shpik çështje të tilla që Kosova të largohet më shumë nga aleatët e sigurisë, që ta lërë pa përkrahje dhe t’ia bëjë më të lehtë Serbisë Kosovën. Këto janë strategji që mendoj se burimin e kanë në Moskë dhe i zbaton Kurti”.
Dhe media ku ai i tha këto, TCH, ja përcjell opinionit pa ia vënë në dyshim apo diskutim.
Kujtojmë se pak vite më parë, Haradinaj do akuzonte kryeministrin Rama se së bashku me Thaçin kishin marrë para nga Vuçiç për shkëmbim territoresh(!!!). Rama do e hidhte në gjyq për këtë akuzë, por më pas do e tërhiqte për arsye vëllazërore.
Akuzat e llojit të Haradinajt të sjellin në mend ato më të çarturat në debatin publik të Kosovës, ku pretendohet se hoxhallarët punojnë për llogari të Serbisë osë paguhen prej saj(!!!). /tesheshi.com/
